هَدى هَدى ..
شره غدى ..
حتى هذه المقولة لا تنطبق على حال سياسات سمو الرئيس في ادارته للبلاد .
فسمو الرئيس هدى هدى , الا ان شره ما غدى !.
المليفي يتدخل ليتم التحقيق في المصروفات ولتسحب الجناسي .
ثلاثي الاستجواب يتدخل ليبعد الفالي وثم تستقيل الحكومة وتعود والثلاثي ( البطل - المرح :: إختر الاجابة التي تناسبك ) يسكت عن المحاور التنموية التي قص على العالم فيها .. وسياسة التوزير لا تأتي بأي جديد .
التكتل الشعبي ايضا يتدخل ويعطل المصفاة الرابعة ( او السرقة الرابعة .. لايهم !) ويعطل الداو كيميكال ويهدد باستجواب الرئيس ان لم يسحب المشروع !.
اذا كل هالامور قاعدة تتغير بتدخل مجلس الامة فما الفائدة من الرئيس ؟ ..
اذا كل مشروع او قرار به ستين ثغرة وعيب وفوقهم سبعين حرامي شالفايدة اذن من هالحكومة ومن الرئيس ؟! .
اذا المشاكل اطفحت الى درجة حدوث حالات وفاة في المدارس بسبب ( ياهل قص ) ولم تتخذ اي اجراءات لتفادي تكرار الخطأ ويتكرر الخطأ ولا احد يتحدث بصوت عال عما يحدث بالكويت .
اذا المآسي اصبحت كالطوفان وبدأ الاطفال يموتون بسبب المستشفيات ولا يتغير شيئ .
ما الفائدة من رئيس وهو بلا قدرات ؟!..
هل العمل والانجاز سيأتي ان استمر الرئيس ؟ وهل تعامل المجلس مع الحكومة بطريقة ( ياهل شوي شوي يتعلم ) هي الطريقة المثلى التي نحتاجها بالكويت ؟
عن نفسي , لا اعتقد بأن عودة الرئيس تصب في صالح الكويت , ولا اعتقد بأن الرئيس قادر على تقديم شيئ , فها هم اغلب وزراءه يسقطون واحدا تلو الاخر بالاخطاء الفادحة مع ان عمر الحكومة الاخيرة كان قصيرا جدا .
ما عليه بنتحمل ,
فالرئيس خط احمر ,,
والدفة ضايعة !
وماعندنا مجلس رياييل !!.
هناك 17 تعليقًا:
خلصني عدم تعاون و انهي الوضع اللي صاير بالبلد
ولدي خايف اوديه مستشفى حكومي او مستوصف
بالله شنو اللحق على الهادي
قول اوكي
الادوية اشلون
حتى المستوصفات يكتبون لك علاج تشتريه من بره
حمد قسما بالله
دكتور رايح له بواسطه
عطاني العلاج رحت للصيدليه
تدري شنو قالي
اول شي مانيبه و لا نصرفه
ثاني شي
قالي انطر المعاش ترى مكلف
بغيت اخذ الروشته و ادزها حق ديوان مجلس الوزراء قسما بالله
تدري اشلون بكتب موضوع
قلتها ماكو رياييل
ولا أكو أحد فيهم هامته البلد وأهل البلد
كلهم زعيق ونعيق على الفاضي وبس
صار الواحد ما يقدر يكتب
شنكتب عنه وشنخلي؟!؟
لا حول ولا قوة إلا بالله العلي العظيم
والله كانت خوش ديرة اول
انا اعتقد المشكلة مو بالرئيس...
المشكلة بالأعضاء اللي كل واحد منهم بيطلع على طهر الثاني ولا هامته الديرة.
وفلان من الناس يدق هالعضو سلف, والفلنتاني يطق هذاك العضو سلف, واحنا اللي ضايعين.
لو اييبون اوباما ولا حتى بوش, هم ما راح يقدرون على تربط هالعصاعص اللي حاصل الحين.
للأسف.
يا حمد..يا حمد عيزنا و أحنا نقول موبس المجلس ما فيه رياييل
شاتقول ابديره مسئولينها مو رياييل؟
و كلنا ندري..أن شرّه ما غدا..و لا راح يغدي أذا أحنا كشعب استمرينا بنفس اللامبالاة
العيب الشرعي فينا يا حمد
اهو بس لو يعصب يطلع منه
يقولك في ناس لي عصبوا يبدعون
العيب فينا يا حمد انتخبنا مجلس مثل هذا !!
من أول يوم صووتا ٥٢ واحد منهم للخرافي بالرئاسة !
شنو تتريا منهم دام اللي وقف ضد المجلس وضد الدستور سنة ٩٠ انتخبوه رئيس السلطة التشريعية .
ومع الأسف للحين شعبنا يجاملهم ولو صارت انتخابات مرة ثانية هم يصوتوت لهم !!
البلا منا وفينا وراح نظل بهل الحالة الكسيفة لين نعدل اختياراتنا !
تحياتي
انا اتفق بشدة مع بوبدر
البلا منا وفينا وراح نظل بهل الحالة الكسيفة لين نعدل اختياراتنا !
انا اختار عودة الـ بوفهدان أحمد الفهد و محمد ضيف الله شرار ، وبتشوف شلون سر الحكومة بيهدا
:)
اللي يفتح باب المداراة والمحاصصة خل يتحمل اصطدام ذبانتين في الهواء العام
الظاهر اخوي حمد ان سياسة " كل طراق بتعلومه " .. هي الي ماشيه هاليومين !!!
تسيب ولا مبالاة مالها اول من تالي !!
بس تصدق ان بعض الفساد مايكون من الراس .. الراس مسكين مايدري وين الله قاطه .. ويكون الفساد من الي تحت الراس .. يلعبون ولا احد يدري عنهم .. والراس مسكين هو ياكلها !!!
وعالبركة ياكويت عالبركة !!
وتحياتي .. :)
يقولك الخامسه ثابته
~~p:
نهاجر يعني؟
D:
totaly agree with u
regards
هاهاها شره ما غدى ولا راح يغدي عموما اتوقع ان هذي اخر حكومة له وستكون قصيرة ايضا .
المشكله إن الناس بدأت تتقبل أحمد الفهد رئيس للوزراء بسبب ضعف الحبيب
تكفه حمد تذكر مقابلته بالجرايد لما إقول الكل يتهمني بالضعف وأنا عكس ذلك
والله إنه لما ألحين أذكر المقابله
إريال منتهي وقولك أنا عكس ذلك
اعزائي
اتفق معكم تماما
طبعا لا ننسى التفاؤل بأن نكون مخطئين بقراءتنا :)
مع التحية
إرسال تعليق