سؤال فني لجماعة الاسلام السياسي
الحين اذا امي بتسافر لازم محرم ؟
انزين اذا عندي دوام تعطوني اجازة ؟
طيب واذا سافرت بدرس مايصير امي تسافر ؟
والا لازم تقص تذكرة عشان تييني وتحول بالترانزيت الى مكان ثاني ؟
انزين واللى ماعندها محرم شتسوي
يقولون تدفع فلوس لأحد يحج عنها
لكن اذا بتعالج او بتروح سياحه
هم تطرش احد بدالها ؟
انزين يعني شنو المطلوب ازوج أمي يعني عشان تسافر ؟
والا اصير وصي عليها واهي اكبر مني بعشرين سنة الله يحفظها ؟
سؤال لجماعة الاسلام السياسي
اكو مسخرة اكثر من هالمسخرة اللي حطيتوا الديرة فيها ؟!!
هناك 19 تعليقًا:
انت ليش مدوخ نفسك ويا خرابيطهم؟ يبا خل تسافر الوالدة الله يحفظها على كيفها ولا أحد عليه منها
حقروهم! ترى هذول بس يبون يشغلوننا بمهاتراتهم ويدرون ان تطبيقها مستحيل
الله يحفظها لكم يارب ويحفظ كل امهاتنا
بعد هذا اللي ناقص يا حمد
يتحكمون بكل بيت بالديره
كل وحده بتتحرك لازم تبلغهم وين بتروح وشكو ومنو عندها بالبيت وفلان ليش ما يروح معاها وفلان وينه
ما اقدر اقول الا شي واحد
ماعوزهم
شلون بنوتك وامها
وشلونك انت
:")
و الله أخوي إذا زوجت أمك مافيها شي :)
الزواج .. لا هو عيب و لا هو حرام
بعدين أخوي ... أكيد الوالدة عندها اخوان و عيال اخوان و عيال خوات .. و كثير من الاقارب يعتبرون محرم لوالدتك الله يطول بعمرها ..
يعني لو احتاجت شيء أكيد ماراح يخلون أختهم أو عمتهم أو خالتهم ..
و أظن كذلك أنهم بيكون فيه اسثناءات من القانون لبعض الحالات ..
حمد شفت
مو قلتلك يبون الواحد يفسرلهم شلون عايش
قد اختصرت ما تفضلت به يا اخي بكلمة واحدة
مسخرة
صدقت والله
فما يحدث بحق ... مسخرة
:(
لا تفكر ولا تحتار معاهم تراهم من زماااااااااااااااااااااااااااان
يبون يتحكمون حتى في طريقة لبسك وطريقة مشيتك وطريقة اكلك وشربك والسياره الي تسوقها شنو طبعا لازم تكون زاهد يعني عندك بحسابك 700 مليون تشتري كامري معاشك 2000 تشتري قاري اما معاشاتهم دون ال1999 دينار بالشهر يقزرونها مشي لي دواماتهم
هذي هي طريقة تفكريهم كيف يسيطر عليك بالكامل ويوجهك التوجيه الي يبيه فقط وكل شي بخطواته اليوم بسفر المرأه باجر بمأكل الناس والي عقبه بلبسهم وهكذا دواليك
مرحبا
عزيزي كما قال صديقنا زيدون مهاترات هؤلاء تطبيقها مستحيل هل تدري لماذا ؟لأن الحكومه موجوده وستمنع تشريع هذه المهاترات ليس لأن الحكومه متميزه أو إصلاحيه لكنها على كل مساوئها افضل من البرلمان ومخرجاته .
هؤلاء ليسوا أهلا ان يشرعوا قوانين . واحد يقول قانون محرم والثاني يقول 5 آلاف حق كل مواطن بالغ . فهمت قصدي يا حمد لما أقولك انه هذيلي لا يملكون أبجديات العمل السياسي.فما بالك بالإحترافيه والإصلاح وغيرها من التطلعات التي ستبقى أحلاما وأوهاما بعيده كل البعد عن الواقع.
على فكره بمداخلتي بموضوعك السابق قصدت حزبا يؤمن بمدنية الدوله ويراعي الحريات العامه .تبني العلمانيه الصريحه كطرح سياسي سابق جدا لأوانه فالعلمانيه تعني تغيير الدستور ونحن قد نكون على المستوى الشخصي نشجع المواد التي تدعم الحريه بالدستور ونرفض تلك التي تدعم الأصوليه لكن طرح ذلك سياسيا سيسقط الليبراليين .
العلمانيه وسيله لتحقيق المدنيه الليبراليه وليس العكس . ان لم تكن العلمانيه مقبوله سياسيا فلا ضرر من استخدام أي وسيله مناسبه سياسيا لكن مع مراعاة بديهات الفكر الليبرالي كالحريات ؛ التعدديه ؛ المدنيه وحقوق الإنسان .
مبدعين تفاهه
قال رسول الله صلى الله عليه وسلم(لا تسافر المرأة إلا مع ذي محرم ولا يدخل عليها رجل إلا ومعها محرم)
قال رسول الله صلى الله عليه وسلم(لا يحل لامرأة تؤمن بالله واليوم الآخر أن تسافر مسيرة يوم وليلة ليس معها محرم)
اعتقد واضح كلام الرسول صلى الله عليه وسلم
زوجها وتوكل على الله
وبعين ماكو ريايل عندكم في العايلة الله لا يخليكم من بعض يعني الوالدة تقدر تسافر بروحها ومحد ماسكها شنوا المشكلة ! وليش تسوي ازمة !
أنا أقول إشتري لها روبوط يسافر معاها و يراقب حركاتها و يحميها من المفتونين
عيب .. حرمة !!
المرأه مالها إلا بيتها ومطبخها!!!
خوي ,
مابعد كلام الرسول كلام !
او اي حجج !
خل القانون ع صوب !
و خلونا نشوف شنو الواجب علينا
من دينا
و
ما اتوقع بيطيبقونة لأن نظامنا ديمقراطي
ووواتوقع لو يطبقون شوي من القرآن
بدستور الديرة جان احنا بخير !
اغلب قوانينا غربية ومو ماكو ضوابط كلش !
انا ما اعترض صح نظام ديمقراطي
بس بعض الاشياء يبيلها تعديل
وابداء رأي !"
ويازينها لو وديت امك
واخذت فيها اجر
والله يحفظلك امك ويزرقها برك
عزيزي زيدون
اذا عالوالدة لا تحاتي
لكن هناك من سيظلم وستمارس عليه الوصاية
تحية لك
عزيزتي عقر بقر
كلهم بخير الله يعافيج :)
ماراح ايي يوم تشوفين في لبسنا بيقلب الى اللبس الطالباني طالما ان الاحرار موجودين
تحية لج
عزيزي غير معرف
الله يغنيها عن الكل
اهي حرة وتعرف مصلحتها وعقلها براسها لا انت ولا وانا ولا اخوانها له حق يمارس عليها وصاية واذا في عليها شي فإهي تنياز مع ربها
مع التحية
عزيزتي زوز
ماكو فايدة
التخلف ضارب اطنابه
تحية لج
عزيزي عثماني
مسخرة ومهزلة ومخ فاضي
تحية لك
عزيزي جبريت
يخسون
ماعاش من يسألني بيوم عن لبسي
بروحي من المتن :( مطيح بالشورتات هالايام لوول
تحية لك
عزيزي بلاك لايت
اهمه مثل كل مرة يطرحون طرح متشدد ويحققون فوائد بسبب قبول الاخرين بالتفاوض معهم ومنهم الحكومة ,
يعني ممكن يوصلون الى نتيجة في هذه القضية على سبيل المثال بأن يحطون ضوابط على سفر المراة من غير محرم
بالنسبة للموضوع السابق , لماذا لا يكون هناك حزب عماده الدعوة الصريحة للأخذ بمبادئ العلمانية , لتكون قاعدة واضحة في جميع مواقفه , بالاضافة الى نشر الفكرة وتعريف الناس فيها بشكل واضح لنزع الالتباسات وانا متأكد من ان الفكرة ستأخذ ما تستحقه بالشارع بعد تقييم اداء مرضى التعصب الطائفي وفشلهم الاكيد في جانب التعايش السلمي والتعددية والمذهبية
تحية لك
عزيزي سامي
تحية لك
عزيزي بو عبدالملك
يبة احنا محنا ماخذين بكلام الرسول غصب بتدخلني الجنة ؟؟
تحية لك
عزيزي غير معرف
يعني اذا العايلة طلع ما فيها رياييل بتنعاب العايلة ؟ , انزين منو المسؤول عن هالعيب العايلة والا اللي سوى العايلة ؟!
تحية لك
عزيزتي ايا
مايصير الروبوت هم لازم محرم عن الروبوت :)
تحية لج
عزيزي احمد الحيدر
عيب عيب عيب :)
تحية لك ومشتاقين :)
عزيزي ويلسيرفسمن
لا تنسى السرير ترة يزعلون عليك :)
تحية لك
عزيزي نبراس
اي دين واي مذهب واي شيخ ؟
لازم تحدد العنوان قبل الحوار !
تحية لك
اعوذوا بالله
وتقول ليش نكفر امثالك القذره
لعنة الله عليك يامرتد
خلهم عنك زين !!
مستند هذا الحكم ما رواه البخاري وغيره عن ابن عباس رضي الله عنه قال: قال رسول الله - صلى الله عليه وسلم -: " لا تسافر المرأة إلا مع ذي محرم، ولا يدخل عليها رجل إلا ومعها محرم "
حمد هذا كلام الرسول صلى الله عليه وسلم تبي تاخذ فيه ولا لا على راحتك وجماعة الاسلام السياسي ماراح يوقفون للوالده بالمطار علشان يمنعونها مجرد انهم يبينون للناس ماقاله الرسول عليه الصلاة والسلام للتذكير فالله سبحانه وتعالى قال ( فذكر فإن الذكرى تنفع ((المؤمنين )) ) فاين المسخرة في ذلك؟
إرسال تعليق