نتكلم والا نسكت ؟
نعلق وننتقد والا ننطم تحت ذريعة لحم العلماء المر !.
البارحة بالدوانية واحد سأل ان كانت هالفتوى تشمل الامير الوليد بن طلال والا الشيخ مايقدر عليه ؟
بالنسبة للموضوع الفائت , قد طرحت الموضوع في احد المنتديات , ومن اجمل التعليقات التي افحمتني قول احدهم بأنني لا اعلم بالنيات لربما الناشي كان يدعو السفيرة لاعتناق الاسلام :) .
هناك 12 تعليقًا:
حراج الفتاوي و انت الصاج :)
ليش الواحد ينطم؟؟؟؟؟؟؟
كلامهم وحي يوحى ولا شنو؟؟؟؟
أستغفر الله العلي العظيم
أول أمس القرضاوي بيان طائفي بغيض
واليوم ذبحوا أصحاب القنوات الفضائية.
صحيح فيه وايد فساد.. بس وين الموعظة الحسنة وين النصائح وين العمل الديني ونشر الوعي ... وين التدرج في العقاب ولا خذوه فغلوه ؟
بالله واحد من الهمج الرعاع .. على باله بياخذ ثواب.. وراح يثور في صاحب قناة ولا إثنين
منو المسؤول؟
أخ حمد ما صار سوق الفتاوى
وأنت صاج صار سبيل ... سبيل
ولا حول ولا قوة إلا بالله العلي العظيم
إي صج وبالنسبة للموضوع الفائت والرد الفلتة
تعليقي: لووووووووووووول
عزيزي سيكرت
هالفتاوى لو تنزلها الحراج ما تييب ربع دينار
حدها سوق بو امية :)
عزيزتي يين
هذا منصبه حسب المصدر رئيس مجلس القضاء الأعلى في السعودية !.
رئيس مجلس القضاء الاعلى يصرح بهذا التصريح من خلال اذاعة دينية يسمعونها البسطاء ولا ادري كم واحد يفكر بتنفيذ هذه الاحكام ! .
بربس والله العظيم
بالنسبة للموضوع الفائت , فهناك جملة من التعليقات المشابهة يعني واحد يقولي انها ضيف وللضيف الاكرام 3 ايام مادري شكو بموضوعنا لوول
تحياتي لكما ..
يعني ما يصير نفوت هذى علشاني؟
فرصه نطير على الخليفة وولده... وحلالي بعد
بليـــــــــــــز
ووراها فتوى والا فتوتين ويحللون دم اللي يمص دم الرياضة... وانت رايح!
خل نستفيد من الفتاوي شوي
يعني بس حدس
:))
وكم من فقيه خابط في ضلالة
وحجته فيها الكتاب المنزل
صج صج افحمك :)
اهااااااا
والله انا فهمت الناشي غلط, استغفر الله.
اثاريه بيهديها للإسلام.
الله يوفقه انشاء الله ويصير عندي سفيرة امريكية مسلمة.
اي والله كلامه صج اللي معاك بالديوانية
لي راح احد قاله شقصدك تبي راس الوليد
بيقول لا اصلا انا ما قلت
ويرد عن فتواه
خو هذي الحين
افتي وان ما مشي الحال
تأبرني تتغير
لا حول ولا قوة الا بالله
زهقونا
ماكو الا واحد من المدونين يصير ملا
صديقي الصدوق حمد
الرجل ما قال يقتلون على يد من هب ودب، ولكنه قال يحالون الى القضاء ويجوز الحكم عليهم بالقتل اذا استحقوا ذلك:)
مهزله
عزيزي كويتي
اهل القانون يقولون شوفلك مستشار مصري يطلع لك الثغرات من اذون النملة :)
وربعنا اهل الشرع لهم هالميزة اذا السالفة فيها مليونير وفاتحلهم مساعدات مجانية عبارة عن برامج بمحطاته وصفحات بجريدة
انسى يكفرونه الحبيب من جماعة اولياء الامر :)
عزيزي محسد
صح لسانك
والريال غسلني مو بس افحمني :)
عزيزي يانغ
انا ما كملت لك التعليق , اهو قال اللي قلت لك عنه وزادها ب ( يمكن كان يحاول يقنعها انها تسمح للمجاهدين لدخول فلسطين ) :)
اكيد مو مصدقني وتبي الرابط لول
عزيزتي زووز
طبعا صارت سالفتهم مثل تخليص المعاملات .
عزيزي ام الهيماني
راضي عني اليوم , صديقك الصدوق هالمرة ماقلتي ناصبي مادري رافضي لوول
نعم نشر تعديل على خبر الفتوى في موقع ايلاف وهذا تم بعد ما اعدت نشره انا ولكن لا اعتقد بأن الامر سيتغير كثيرا , السؤال اللي يطرح نفسه امامي وما اقدر اتجاوزه ويمكن اتعرجب لي حاولت يقول :
اقتباس :
فأنا أنصح أصحاب هؤلاء القنوات الذين يبثون الدعوة للخناعة والمجون ، أو الفكاهة والضحك ، وإضاعة الوقت بغير فائدة ولا أجر ، وأحذرهم من مغبة آثار من يقتدون بما يعرض هؤلاء ، وما يقعون فيه ، فمن وقع في شيء مما يعرض من هذه الفتن بسبب ما عرض وشاهد يكون عليه وزر عمله ، ويكون على دعاة ذلك الشر والبلاء مثل أوزار هؤلاء دون أن ينقص من أجر هؤلاء .
انتهى ,.
الحين هؤلاء هم المعنيين بالفتوى , انزين اهل الدعوة للخناعة والفجور عرفناهم , طيب اهل الفكاهة والضحك شكو يجاز قتلهم على ما يبثون في محطاتهم ؟ :)
مادري ليش تذكرت محاولة قتل حسين عبدالرضا بعد التحرير
مهندسنا العزيز
مشكله كبيرة يا خوك
تحياتي لكم جميعا
خلاص يا جماعة
انا باجير اطول اللحية
و البس بشت
و شماغ من دون عقال
واصبغ اللحية ابيض
واضبط التكشيرة جدام المراية
واسمعوا وشوفوا الفتاوي السنعة
لا لا
ماني امكمل.
إرسال تعليق