أكثر من مائة وعشرين ألف متظاهر احتشدوا اليوم في ألمانيا في سلسلة بشرية بطول مائة وعشرين كيلومتر للمطالبة بغلق المحطات النووية المحلية.
تفاصيل الخبر + الفيديو
واحنا بالكويت بنشتري سكاريب فرنسا وبنسوي محطة تعمل بالطاقة النووية !!
الخلاصة ان احنا بيصير عندنا محطات نووية والمانيا ماعندهم
من قدكم :)
هناك 6 تعليقات:
احنا محطة مشرف ولما الحين ما سويناها وما خلصنا من كارثتها
هالنوبه نشتري سكاريب فرنسا ونسوي نووي لا بالله صرنا صياخ شاورما
نووي؟ بالكويت ؟ همممممم انزين والكهربا؟ متى ؟ لول
لووول
وعاشت حكومة ناصر المحمد :)
والله ياخي تصدق مرات افكر اقول هالحكومة احنا ظالمينها
ترا لها مميزات بس احنا ما نحس فيها
تدري شنو مميزاتها ؟
قاعد تخلينا نضحك كل يوم P:
لووووووووووووول
المانيا اشفهمهم
الحكومه مو عارفه تسيطر على بالوعه وتبي تسوي محطات تشتغل بالطاقه النوويه ؟
انا اقترح يبنون المحطه يم مجلس الوزرا
عزيزي جبريت
راجع فيديو البوست التالي
تحية لك
عزيزتي Chaotic pOsha
اهي محطة كهرباء تعمل بالطاقة النووية مو مفاعل ولو ان الفرق ماراح يكون كبير وايد
تحية لج
عزيزي حقوقي
نفس الشعور مرات يحوشني لدرجة اني اشك بعمري بأني لازم احجزلي سرير بالطب النفسي بعيد عنك
تحية لك
عزيزي فريج سعود
قالو يبادلونا رئيس حكومة برئيس حكومة بس طبعا لايمكن
بنلصق برئيسنا مثل لصقة بو اسد :)
تحية لك
عزيزي غير معرف
ما يندرة وين بيحطونها :)
تحية لك
إرسال تعليق