اليوم السبت افتتاح مقر المرشح بالدائرة الثالثة الاخ صالح محمد الملا , المقر بالعديلية مقابل الدائري الرابع ( مقر المنيس الله يرحمه سابقا ) , وسيكون الافتتاح في الساعة السابعه والنصف ميم :) .
طبعا اختلفوا العلماء , عاجل يقول ان المتحدثين بالندوة هم الخطيب والنفيسي والسعدون , و موك يقول ان المتحدثين هم عبدالله النيباري وعادل الصرعاوي ومريم الصانع بالاضافة الى صالح الملا .
نـــراكم هـناك
هناك 6 تعليقات:
الاختلاف رحمة
وكلام موك هو الصح ومصادري هي الغلط بس الشباب راح يحضرون كمستمعين
حفاسة :)
اشتقنا نسمع للخطيب
الصرعاوي ريال محترم وخلوق ونظيف ومواقفه زينة , بس ما اسألوا ربعنا عن مواقفه من اسلمة القوانين والمادة الثانية ولا اسألوه عن الحريات .
على كل شكرا للتوضيح عزيزي عاجل .
تنمى له التوفيق ان شاء الله ..
عاجل
اعتذارك مثل العسل يا خوي ، حتى لو مصدرك غلط ..
حمد وعاجل
باشرونا بالتغطية الزينة ترى احنا وايد مشغولين بالانتخابات وبصراحة ماكو وقت نطلع من دائرتنا ونروح لغيرنا ..
عساكم على القوة
اختلفوا العلماء؟...
لا تقول بعد الشيعة باجر :)
(لحد يزعل غشمره)
ما ودي اقبس عليه بس كاني اشوفه بالمجلس هالرجل (ان شاء الله)
اتمنى له التوفيق ولغيره المثقفين النزيهين
---
شنو نيشانك علشان نثبتك
نظاره juicy بالليل
والا جراوية خضره
:)
بو بدر
مشالله تبارك الرحمن خوش حضور
حتى القعدة اللي برة مالت السيدات احتلوها السادة :)
ما طولت هناك لي نص كلمة النيباري وانحشت وراي امتحان
نشوفكم عقب باجر بمقر التحالف بحطين :)
عزيزي كويتي لايعة جبده
نكك شطوله ليش ما تسوي مثل اللي ما تتسماش حدس وتختصر وتقتصر بالاسم :)
انا اذا بتعرفني تلقاني ما اقعد بمكان مدعوس احب السعة واحب يكون مكاني مناسب للزرقة عشان النحشة وعشان التدخين :), وافضل اذا السماعه تكون قريبة مني :) .
واذا لقيتني احوس تلقاني بس اسلم ماحب اسولف وايد ..
وانت
شـــلون بنعرفك :) ..
نسيت اقولكم
حضر الى ندوة الافتتاح من اللي شفتهم :
خالد الخالد , فيصل الشايع , احمد الديين , محمد الجاسم
إرسال تعليق