رحلة مصورة الى البر السعودي
كانت رحلة جميلة ولا تنسى الى الصحراء السعودية , ليلتين هان بهما التعب والشوق للاحبة بمقابل الجلوس مع النفس وصفاء الطبيعة الجميلة . توجهنا الى مكان اسمه قبة وقبل منطقة اسمها الطراق على طريق بريدة من جهة حفر الباطن , والصور ستتحدث عن جمال تلك المنطقة .
هناك 9 تعليقات:
عليك بالعافيه يابوديما والحمدلله على السلامه
سبقتني بصور الورد والفحم..عندياهم بس ليلحين مانزلتهم
:)
هساك استانست يالزميل
و يقولولون ليش تطلعون البر و برد
ما يدرون و الله ما يدرون
nice :)
عليك بالعافية عزيزي :)
خوش تصوير والله
انا احب البر سواء كان بر الكويت ولا السعودية ، وبصراحة بخاطري وودي ازور البدو القدم يقول ابوي للحين موجودين ودي اجرب حياتهم لو اسبوع :p
رحلة حلوة والله رفهت فيها عن نفسك . انا عندي البر يعني الحرية :)
عليكم بالعافية ..
العزيز صندوق حمد
الله عليك .... كبيره
أه ويلوموني .... شوف النقاء والصفاء
يا أخي بالبر ... تشوف ان النظر ماله حدود طويل المدى تسافر مع نفسك سفر لذيذ.. ولي صار مع الخيل ... بعد متعة أكبر بكثير...
وفي المساء
مع شبة النار ... ورائحة الهيل تملأ المكان بعبق البداوة ..
الله عليك يا خلف العتيبة صدقت يوم قلت :
سولي الكيـف وأرهولي مـن الدله
البن الاشقر يـداوي الراس فنجالـه
كيف لنا نحرقه بالنار ونـزلـه
وليا انقطع لو ورا صنعـاء عنينا له
ويحلى السمر والسهر على ضي النار و القمرة ... وتمر عليك نسمة تاخذك لبعيد ... وتدندن معاها :
على البال ... كل التفاصيل على البال .. واحلى التفاصيل على البال ..والحل والترحال .. والنار والهيل .. والقمرة اللي نورت ليل ورا ليل .... الله
عليك بألف عافية .... وشكرا لك كبيـــــــــــــــرة
دخلتـني بجو .. وش لون بطلع منه:((
الله يسعدك يا شيخ بالدنيا والآخره:)
دمت بخير وسلام
حمدالله عالسلامة
ترقبوا صور رحلتي الى ربوع ايران
P:
الحمدلله على السلامة اخيي الغالي
الصور جمية جداً
نقية تفتح النفس بالجو المغبر
عساها رحلة خير عليك يارب
بس حبيت صورة الام وولدها
قمة العطاء
:")
مكان جميل
ويا حلو التخييم
عليكم بالف عافية
مطقوق
بانتظار الصور
:)
إرسال تعليق