تحديث : خبر من الشبكة الوطنية الكويتية : انباء عن تقديم مرزوق الغانم مرشح الدائره الثانيه بلاغ للنيابه العامه عن تدخل بعض الاطراف في سير العمليه الانتخابيه وفبركه دسائس ومؤامرات رخيصه للنيل من سمعه المرشحين
--
كويتي لايعة جبده : محاولات لطمطمة التحقيق في شراء أصوات بالدائرة الثانية
---------------
العم بو محمد شالسالفة
؟
الشايجي مرشح حدس بالثالثة تتوسم فيه الخير ؟
الشايجي مرشح حدس بالثالثة تتوسم فيه الخير ؟
نسيت موقف الاخونجية من الغزو ؟
نسيت موقفهم من الحريات ومن الدستور والدولة المدنية ؟
نسيت هدفهم الكبير بالانقلاب على الحرية وعلى المكتسبات الشعبية ؟
شالسالفة يا بو محمد
كاهو الشايجي اللي تتوسم فيه الخير والزين فيهم طلع حرامي وماخذ عشر ملايين بدون مناقصة بس لأن الوزير اخونجي مثله .
جان زين ماخذها على سنع
اذا شركته عمرها سنة يوم خذا العشر ملايين
عمي بو محمد
ترة الاخونجية متشابهين
تتذكر يا عم بو محمد الوزير الاخونجي العليم عقب ما قدمله الطبطبائي بعض الملاحظات على خطة الطوارئ طلع وقال خذينا بملاحظات
الطبطبائي ووفرنا مليار خصمناها من المشروع بالغاء مالا حاجة له ؟
هذه القصة يا عم بو محمد مو هينة , مليار دينار او دولار ( ماتفرق وايد ) كانت بتروح لجيوب ناس بشكل متعمد
والا منو الل حط الخطة ؟
ومنو اللي قبل بدفع المليار على مالا حاجة له ؟
هل حاسب الوزير احد ؟
والا قمت السالفة ودار درة ودار مادرة .
والا منو الل حط الخطة ؟
ومنو اللي قبل بدفع المليار على مالا حاجة له ؟
هل حاسب الوزير احد ؟
والا قمت السالفة ودار درة ودار مادرة .
عمي بو محمد
اغسل ايدك منهم
ولا تنظر يطلع منهم شي عليه القيمة للديرة .
مليار يا بو محمد مليار ..!
للإطلاع على تفاصيل فضيحة الشايجي العليم
هناك 18 تعليقًا:
العزيز حمد ابو ديما
اعيد عندك تعليقي عند الاخ العزيز الحلم الجميل...
ماني عارف شلون في ناس تنساق وراهم والدنيا بهالوضوح!؟
سؤال لمؤيديهم: ما كان يفعل ناصر الصانع اثناء فترة الغزو عند اشغاله منصب امين الصندوق لحركه فري كويت كامبين بمقر اتحاد طلبة الكويت بلندن الذي حوله من شحص مجهول الى سياسي مدعوم بعد التحرير مباشرة؟
من يعتقد الصانع دين فهو لا يعرف الصانع ابدا !1
يبدو ان الكلام ينطبق على عدد من البقيه منهم ايضا
الدين من هذه الممارسات بريء
اذا هو من كان يقصده نبيل الفضل
حمد
بومحمد يمدح الشايجي صج و لا هذي نكتة أخر أبريل ؟
على شنو الاخوان كلهم سوى !
القصد
ما فيهم واحد فية خير !
الا يمدحهم الا
عزيزي كويتي
الناس تعتقد بأن هؤلاء بيدهم الجنة , فهم الذين يمثلون حكم الله في الارض هذا ما يعتقده الكثير من الناس .
ولذلك تجد الكثير منهم يقول ان فلان من الحدسيين يبوق بس اهون من غيره :)
اعتقد بان الناس يجب ان تعي حقيقة ادعاء الحدسيين وبقية الاسلاميين تمثيلهم لحكم الله في الارض .
تحية لك
عزيزي موزارت
الله يسامحك ضيعت وقتي بقراءة مقالة المعتوه بلبل النخل :)
الاثول سب لين قال بس وبالاخير ماكو شي
الحبيب بيدافع عن لآلئ الخيران اللي مساحتها كبر الكويت وانباعت ب 600 الف دينار
بلبل الفضل مستانس بقضاءه ومو عاجبه القضاء البريطاني :)
تحية لك
عزيزتي بس
في الحقيقة اتفهم من اصبح يقبل بأقل الممكن وبدأ يشير ايجابا الى بعض الاسلاميين بالرغم من افكارهم العوية
شخصيا اقع بهذا الخطأ بعض المرات اعترف بذلك ..
تحية لك ..
لكل حصان كبوة
وهذي كبوة من النيباري
بعد إذنك حمد...
محاولات من "ارفع المستويات" لطمطمة تحقيق في شراء أصوات بالدائرة الثانية من قبل احد "الكباريه"ء
ليتحقق من يشاء وينشر من يريد محاربة الفساد
الجرايد صار لها يومين ساكته
وهذا وقت المدونين
عزيزي فتى الجبل
فعلا
ولا ادري ان كان الشايجي فعلا افضلهم :)
تحية لك
عزيزي كويتي لايعة جبده
علم ,, شكرا لك , وفي خبر ثاني نشرته الان بالموضوع
تحية لك ..
اي والله ياخوي حرق اعصابي بومحمد لما قام يمدح الشايجي ..
يعني ما لقى الا الشايجي .. !!! حدس عاد حدس مرة وحدة !!!
مو حدس يا بومحمد اللي ننطر من وراهم خير ... هذول اللي ينطرون الفايزين بالفرعي عشان يعلنون عن مرشحينهم .. هذول اللي يبون يفصلون رفيجهم جمعان العازمي لانه مو ملتزم بنتيجة الفرعي ..
حدس اللي نوابها لهم موقف بس يصوتون مع الحركة حتى لو عكس موقفهم هذوول البصامة حق اخوان مصر ..
اااااااااااخ بس اااااااخ وينك يا بو قتيبة ... الله يرحمك ويغمد روحك الجنة ..
و وينك يا دكتور احمد الخطيب .. ليش ساكت وانت تشوف الوطنيين متشتتين ومتخبطين ..
عموما ..
من زمان مو شايف تعليقاتك الجميلة في مدونتي يا اخ حمد :)
والله يا دكتور جان زين وقفت على الفرعيات
اذا هذيل اساسا ما يعترفون بالدستور ولا بالمشاركة الشعبية
نظرتهم لمجلس الامة انه يكون مجلس ملالي يتنافسون فيه الحدساوية مع السلف وبقية الملالوة .
واسمحلي اخي الكريم انا فعلا مقصر بالمرور والتعليقات خصوصا قاعد استخدم هالايام نت بطئ وينرفز ومعطلني عن اشياء وايد
تحية لك اخي الكريم اسعدني مرورك وتعليقك اللي برد قلبي :)
عم بو محمد لا تتوسم فيهم الخير يا بو محمد
وياليتك نااااازل
افا طلعت ليبرالي :)
وانا اقول ليش محروق من حدس
عادي
الله يوفق الشايجي :)
عزيزي مهندس كويتي
احسله خل يرتاح :)
تحية لك
العنتري
حياتي هدف مو عبث
شنو مضيعين داشين هني ؟
انا اقول من وين يانا الغبار اليوم :)
حياتي هدف مو عبث
لو سمحتي التهويس ممنوع هني خصوصا للحرامية والنصابين من الاخونجية :)
مــالي بالسيــاسه ..,,!!
بــس ليمــا قريــت البــوست فهمــت شــوي ;p
الصــراحه @@ شـــي يعــقد
واااااااي أحســهم يستغفلــونا :S
ويسوون كـــل شــي تحــت مســمى " الديــن " !!
الله يســتر منــهم
يعطيــك العافيــه أخــوي حمد
وعســاك على القــوه
بو ديمه يتاح واحنا انموت قهر
مافي احد مثله الحين ولا اتقولي الشباب والي يرحملي والديك
بس هالمره وخلاص
حاس بيصير شي بهالمجلس الله يستر
الكل بلا استثناء حايشته لوثة عقلية .. و المسلسل يستمر إلى 17 مايو
منو اللي ما يشبه الثاني ياحمد عيل ليش كل هالمرشحين مستموتين على الكرسي
عزيزتي يو ترن
الله يعافيج ويقويج زميلتي الكريمة وشكرا لمرورج
عزيزي مهندس كويتي
عنصر الخبرة مطلوب بالتأكيد وخصوصا خبرة النيباري النفطية لكن الحين ما يفيد هالحجي صار اللي صار , وبالتأكيد احنا كلنا الخسرانين من ابتعاد النيباري .
تحية لك اخي الكريم ..
عزيزي غير معرف
هذه نتيجة طبيعية , هناك خلاف اساسي طمطمو عليه سنوات طويلة والحين بدأت تظهر اثاره والخافي اعظم والله يستر على الكويت .
نحن امام ثلاث خيارات , خيار الالتزام بالدستور , وخيار الانقلاب على الدستور بإسم الرد الدينية , وخيار الانقلاب على الحياة النيابية بمبرر اصلاح الامور
تحية لك اخي الكريم ..
عزيزتي هذيان
ولو اني غاسل ايدي من المجلس الياي , لكن ما لنا الا الامل .
تحية لك اختي العزيزة
إرسال تعليق