نبيها السعدون
وما نبيها للمتثائب صاحب النكت التي لا تصدر حتى من محمد الصيرفي الممثل الكوميدي المليغ !
السعدون هو رئيسنا , وهو من سيعيد الهيبة والنظام للمجلس .
لن ننسى ذلك المتثائب صاحب النكات التي مكانها القهوة الشعبية لا بسدة رئاسة مجلس الامة مجلس الشعب الكويتي
لن ننسى من منعنا من دخول مجلس الامة
ونرفض عودة الخرافي للرئاسة التي لا يستحقها .
----
موقع حملة
هناك 28 تعليقًا:
كفوا والله يا حمد
لا نسمح للناس "تناسي" تاريخه الاسود
تذكر "كافي كافي يا الخرافي"؟
نعم نبيها السعدون
---
زين طلعت مو بروحي :)
كنت ابي السعدون يفوز بالرئاسة لانه السعدون الحين تكفه ابي الخرافي يوخر وما يهمني منو يمسك مكانه
للاسف
الخرافي يدفع عشان يفوز
والسعدون ما يدفع
مع امنياتنا للسعدون بالنجاح
والله الامر يبيله تفكير
بس اكيد السعدون مو ناوي يرشح للرئاسة الا وعنده وعد من عدد من الاعضاء يأهله للفوز ما اعتقد ان فيه شدة يخسر على اخر عمره
اي والله صاج
يستاهل العم احمد السعدون والمؤشرات الاولية لصالح العم بوعبدالعزيز
شكرا حمد
شكرا لك عزيزي كويتي
وشكرا للقائمين على مدونة نبيها السعدون
بالفعل نحن بحاجة لعودة هذا الرجل
بدلا من ذاك المهرج
تحية لك
عزيزي عاجل
خصوصا هالمجلس فيه ناس وايد يبيلهم تدقر لوول
تحية لك ..
عزيزي فتى الجبل
انشالله بينجح السعدون بالضغط , حتى لو مانجح المهم ان الخرافي ما يستحق انه ياخذها بالتزكية :)
تحية لك ..
عزيزي فريج سعود
السعدون ماكان ناوي ترشح بس كان عليه ضغط من بعض الاعضاء للترشح ومن اشكال الضغط اعلان الرومي والصقر وهم الاضعف من السعدون نواياهما الترشح في حال عدم ترشح السعدون
تحية لك ..
عزيزي حمودي
شكرا لك وشكرا لمرورك
تحية لك ..
عزيزي ليبرالي
نتأمل خير وهناك اعضاء من الممكن التأثير عليهم في حال لو على صوت الشارع اكثر
تحية لك ..
والله الصراحه هالمجلس يبيلهم واحد مثل السعدون حمش وزفه وحده منه ينخرسون!بس أهم شي المطرقه تكون مصممه على شكل موس حلاقه جيليت لووول
يستاهل العم بوعبدالعزيز :)
لووول اذا موس حلاقة مو مشكله
بس لايكون يبيله نبلة والا شوزن لانه بيثور بناس وايد :)
تحية لك ..
السعدون هو الاصلح..
يعطيكم العافية.. ونشرت الحملة في مدونتي..
ودي ودي ودي ودي.. يرجع الرئيس يااااااااااارب..
شكرا لك استاذ حمام وانشالله السعدون بيرجع رئيس
وشكرا لقائمين على الموقع
تحية لك ..
هذا المجلس محتاج لحزم السعدون لا لتأزيم الخرافي ..
يعطيك العافيه وشكرا للقائمين على الموقع ..
ونتمنى ان تنجح الحمله ويعود بو عبدالعزيز لمكانه الصحيح ..
تقبل مروري ..
kuwait
بالقاف :P
السعدون الكرسي يناديك!! الله يوفقك يا بو عبدالعزيز!!
عزيزتي كويت
اتمنى انا ايضا ذلك
شكرا لك :)..
عزيزي ولد الديرة
ملامح الخرافي ما تشجع على القاف :)
تحية لك .. :)
عزيزي عدس
يستاهل بو عزيز واهوة الرئيس انشالله :)
تحية لك .. :)
اتوقع الخرافي راح يفوز
العزيز حمــــد
نعم نبيها السعدون..بالتأكيد نبيها السعدون..فلا مجال للمقارنة بين السعدون والخرافي
لكن
شكلها لن تذهب للسعدون!!؟؟
والسبب معروف مسبقا
مع كل الود
المحـــــــب/
شــقـــــران
مهندسنا العزيز
شقران العزيز
في الحقيقة حتى الان لم اشعر بالضغط الكافي على الاعضاء من اجل ترجيح كفة السعدون
وبالنهاية ان خسر السعدون فلن يأخذها الخرافي بالتزكية
تحياتي لكما :)
بالامس نبيها خمسة
اليوم نبيها السعدون
يا ريتنا ننادى ونقول نبيها الكويت
الكل يركض ورا مصلحته
يعنى لو طلع عمكم السعدون شيبسوى , ولا اذا طلع عبقرى زمانه السيد خروف افندى , شيبسوى !!!
وجهان لعملة واحدة
العملية محسومة , وراح تشوفونها عن قريب
مثل ما كانت نتائج الانتخابات محسومة ومترتبة وخالصين منها , من ايام التابين اللى قام فيهاعبدالصمد ولارى
ف يا جماعة الخير , ريحو نفسكم , وتركو عنكم الحوارات العقيمة والكلام الاستهلاكى اللى لا يودى ولا يجيب
اخوى نبيها خمس مو خمسة - شكلك فيك نوم , على العموم كلامك جميل بس مدرى ليش متحامل على نتائج الانتخابات , وبعدين شلون النتائج كانت محسومه ؟ فهمنا
والله صراحه ماعندي أي معلومات عن كفاءه السعدون لكن انتو اكبر واعلم منيي .. واذا شايفين مصلحة المجلس يفضل تكون بايده .. فلا مانع من انضمامي معاكم
عفوا انت شفت منو الاعضاء عشان اتقول ضغط عليهم
نعم ودنا السعدون يفوز بس الواقع يفرض نفسه
بس هم كل شي ممكن ليش لأ
عزيزي غير معرف
قعلا شلون الانتخابات كانت محسومة ؟
تحية لك
عزيزي غير معرف 2
نبيها خمس والا نبيها خمسة والا نريدها خمسة والا عاوزينها فايف , كل الطرق تؤدي الى روما
عزيزتي سيليزيا
شكرا على ثقتج عزيزتي سيليزيا وشكرا لمرورج واضافتج
مهندسنا العزيز
يمكن صعب ولكن مو مستحيل , على الاقل الخرافي ما يستحقها بالتزكية
تحية لك :)
يستاهل بو عبدالعزيز و عسى الله يوفقه و يوفق الاصلح عشان هالديرة اللي تكسر الخاطر
يعطيك العافية
عزيزتي سدرة
الله يعافيج
ويستاهل بو عزيز
تحية لك
انا بعرف حمد اذا مات السعدون بعد عمر طويل هل سنشاهد حجاج حوالي قبره ؟
مو انا قلتلكم الرئاسة محسومه مثل الانتخابات ما كانت محسومة
c'est la vie
موزارت
لا ما اعتقد :)
غير معرف
طبعا قلت لنا :)
تحية لكما
إرسال تعليق