الاثنين، 1 سبتمبر 2008

هانت ما بقى شي عالعيد :)

كــل عــام وانــتم والكويت بألـف خيــر
ومبــارك عليــكم الشهر
وديروا بالكم من هالغبقات وهالله هالله بالرياضة واللي يدخن يبطل بس لا يقص على روحه و يلجأ للشيشة
واللي بيطلع من بيتهم يطلع مبجر عن الزحمة وعن العصبية خصوصا هالشهر بيكون حار والله يعين الجميع
وبالنسبة للمسلسلات ترة ماكو فايدة حياة الفهد لاحقتنا بالتبجبج حتى بمسلسل اسد الجزيرة لوول
واللي بيشتري اغراض حق العيد يروح السوق مبجر مو على آخر يومين , ما عليه كلها شهر وتحملوا مغثة باب الحارة اللي كل سنة نقول افتكينا من الصيحة اللي فيه يطلعون لنا بجزء يديد .
واللي ما يصوم يويله الله يحطه بالنار .
يمكن اخوانا المطاوعة يضايقهم عنوان البوست
لكن ما عليه تحملونا محنا اول ناس
وقد سبقنا احد الشعراء الذي قال :
قل لشهر الصيام أنحلت جسمي
إن ميقاتنا طلوع الهلال
أجهد الان كل جهدك فينا
سنرى ما يكون في شوال
في ختام هالموضوع عندي سؤال ..
متى يفطرون اللي عايشين بالدول اللي ما فيها ليل ؟
-------------
ها قد نشر الجزء الثاني من كتاب الدكتور احمد الخطيب بجريدة الجريدة وهو موجه بشكل مباشر الى الشباب , قراءة ممتعة مع ان الحسرة موجودة على افكار واطروحات سابقينا عند مقارنتها باطروحات ساسة اليوم , لكن النفس التفاؤلي لاحظته بالحلقة الاولى التي نشرت اليوم ..

هناك 19 تعليقًا:

Salah يقول...

اولا كل عام وانت بخير

وثانيا باب الحارة مسلسلي المفضل وما أرضى عليه

:)

تحياتي

secret يقول...

كل عام و انت و الاهل بخير

تصدق انا قبل كم يوم سألت واحد بخصوص الناس اللي يومهم عن 6 شهور .. و شلون يصومون و يفطرون .. احترت والله بس يقول انهم يصومون و يفطرون مع توقيت اقرب مدينة لهم .. اقرب مدينة توقيتها ملائم لهم .. و الله أعلم :)

و مبارك عليك الشهر

شقران يقول...

العزيز بوديما


مبارك عليك الشهر وللعائلة الكريمة
وعساكم من عواده


باب الحارة...ما شفت منه ولاجزء وكنت بعلق عليه لكن دام بومهدي يتابعه..ببلعها واسكت
:)



بالنسبة للدول اللي مافيها ليل...فأظن مافيها حياة



ملاحظة
ترى عتبان عليك بسبب جملتك الاخيرة في نقاشنا الأخير...فمثلكم يعرف مثلنا جيدا يا أخي بوديما

وفوق هذا فلا استطيع تغيير وجهة نظرك تجاهي...فلاسلطان لي عليك ولا على أحد في هذه الدنيا الفانية




مع أطيب الأمنيات وأرقها

Mohammad Al-Yousifi يقول...

كل عام و انت بخير

مبارك عليك الشهر

الله يستر من مذكرات الدكتور

فــــــرنـــــــاس يقول...

مبارك عليك الشهر و كل عام و انت بخير

فرناس

غير معرف يقول...

مبارك عليك الشهر

وعساك من عواده

أبو جيج يدور نعاله يقول...

مبارك عليك الشهر و كل عام و إنت بخير

lwatan-ajmal يقول...

مبارك عليك الشهر

Hamad Alderbas يقول...

العزيز صلاح

كل عام وانت بالف خير

وباب الحارة مالي شغل فيه بس لو ما اخوي يذبحني وبس نقعد بالدوانية حط عليه وتعال اخذ ساعة من الصيحة ")

تحية لك

--------

عزيزي سيكرت

مبارك عليكم الشهر

انا سمعت نفس الشي , وفي ادير صيامها 12 ساعة بالتمام والكمال بافريقيا .

يعني تقدر تقول ان صيامنا ونهارنا رحمة فوق انه قصير نسبيا زارحين تحت المكيفات :)

الف الحمد لله وممكن يكونون الاخرين متكيفين مع اوضاعهم .

تحية لك

----------

العزيز بو راكان

علينا وعليك والله يتقبل منا ومنكم صالح الاعمال .

وعلى طاري باب الحارة قلبي متروسة على هالمسلسل , بس ما راح اقول الحين بنطر لين اتصادف مع حلقة من حلقاته وبرجع اعبر عن شعوري خصوصا مع محاولتي لترك التدخين والاخ بو مهدي بيسامحنا :)

بالنسبة للنقاش الاخير , فمكانتك يا بو راكان بالقلب , وانت على راسي من فوق , والمسألة هي مسألة نقاش واستنتاجات , وكلنا ربما نخطئ او نزل او ان نكون صائبين , و تأكد من أن رأيي هو الخطأ الذي يحتمل الصواب .

تحية لك اخي العزيز

-------

العزيز كله مطقوق

علينا وعليك , وعساك من عواده

ومذكرات الدكتور باين انها دسمة دسمة دسمة , انا ادري شاللي بيوصله الدكتور , يبي يحط لنا مرجع موثوق يظل موجود بين بقية المراجع التي تحرف التاريخ .

الكتاب دسم بشكل يفوق التصور انا متأكد من هالشي .

تحية لك اخي العزيز

---

العزيز فرناس

علينا وعليك , وكل عام وانت بألف خير , والحمد لله على عودتك سالما .

تحية لك استاذي الكريم

----

العزيز محسد

يتبارك علينا وعليك وكل عام وانت بالف خير

تحية لك

---

عزيزي بوجيج

علينا وعليك , وانت بخير وعافية وسلامة

تحية لك اخي الكريم

----

عزيزي لوطن اجمل

علينا وعليك وعساك من عواده

تحية لك اخي الكريم ..

فريج سعود يقول...

كل عام وانت بخير

الي عايشين في دول مافيها ليل

يتفطرون متى ما طق براسهم
والله اعلم

Arabian lady يقول...

Mbarak 3laik ishahar =)

Hamad Alderbas يقول...

عزيزي فريج سعود

وانت بخير وعافية

اذا جذي عيل خل نزورهم كل رمضان :)

عزيزتي أربيان ليدي

علينا وعليج :)

حلم جميل بوطن أفضل يقول...

واللي يدخن يبطل

+++++++++++++++++++++++++++++++++++

قول حق روحك :)

مبارك عليك الشهر و كل عام و إنت بخير

Hamad Alderbas يقول...

الحلم الجميل

كاني صامل

بس ما اضمن استمر عقب الفطور

شعور ممتع لمن الواحد يبي يبطل

يحس انه فيه هوشة

لوول

علينا عليك وكل عام وانت بخير وعافية اخي العزيز

هذيان يقول...

مبارك عليك الشهر

عساك من عواده

كويــتي لايــعه كبــده يقول...

مبارك عليك الشهر
وكل عام وانت بخير

ناطر العيد من الحين!؟
لووول

كانك كودت كل نصايح رمضان طقة وحدة؟


باب الحارة هذا شنو؟
:)

Hamad Alderbas يقول...

عزيزتي هذيان

كل عام وانت بخير

اتمنى ان يكون الشهر خفيفا لطيفا عليكم ومحببا اليكم :)

تحية لك ..

عزيزي كويتي لايعة جبده

علينا وعليك وكل عام وانت بخير وصحة وسلامة

هالسنة خوش رمضان بس لو ما مشاغل الصبح بالبلدية واللي ما تلقم كلش مع رمضان , احنا بالايام العادية وموصايدين موظفيهم هالمرة رمضااان :)

باب الحارة يا طويل العمر عبارة عن مسلسل كله صيحة ولبحة والمسكين اللي فيهم تلقاه شايل مطوة والا عجرة , هالمسلسل يتسابق بالصيحة مع المسلسلات الكويتية واخوي الله يهداه من يدخل الدوانية حط على المسلسل وغثنا بالصيحة وبالدعايات لوول .

تحية لك ..

غير معرف يقول...

مبارك عليك الشهر يا سيد حمد :)

اجابة على سؤالك في نهاية الموضوع هو سؤال آخر يقول : متى يصلون المغرب في الدول إلي نهارهم جم شهر ؟! :)

طبعا في جواب على هالسؤالين ولو أنه كان لدية مجرد 1 % فقط أنك تبحث فعلا عن إجابة لأجبتك :)


تحياتي وعيدك مبارك

Hamad Alderbas يقول...

عزيزي الطارق

علينا وعليك , وانشالله بيكون هالشهر خفيف عليك ومحبب اليك

صاج ما تهمني هالاسئلة و اجاباتها مو مشكلة اللي يهمني الحين اسقاطات الدكتور سويدان وتحرشاته :)

تحية لك ..